Astanada esirtki jarnamalaıtyn 75 saıt buǵattaldy

ASTANA. QazAqparat – Ótken jyly elordalyq polıtseıler esirtki jarnamalaıtyn 75 saıtty buǵattady, dep habarlaıdy QazAqparat tilshisi.

«2022 jyly QR Qylmystyq kodeksiniń 299-1 babymen (esirtki quraldaryn, psıhotroptyq zattard, olardyń balamalaryn tutynýǵa ıterý) 16 qylmystyq is qozǵalyp, 75 saıttyń mekenjaıy buǵattaldy», - dedi Nur-Sultan qalalyq polıtsııa departamentiniń asa mańyzdy ister jónindegi aǵa anyqtaýshysy, polıtsııa podpolkovnıgi Danııar Narymbıev elordada ótken brıfıng barysynda.

Onyń atap ótýinshe, polıtsııa qyzmetkerleri esirtkige qumarlyqtyń aldyn alý maqsatynda BAQ betinde 597 materıal jarııalady. Jastar arasynda úgit-nasıhat júrgizip, qalam, dápter, kúrte, fýtbolka, besbolka taratty. Esirtkige qarsy jarnama shyǵaryp, aýqymdy aktsııa ótkizdi.

Buǵan deıin ótken jyly elordanyń aýmaǵynda 1 300-den astam esirtki qylmysy tirkelgenin habarlaǵan edik.