Astanada esirtki saýdalaǵan saıttardyń ústinen 11 qylmystyq is qozǵaldy
Bul jaıynda Astana qalasy polıtsııa departamenti esirtki bıznesine qarsy is-qımyl bólim basshysy nashaqorlyqtyń aldyn alý, vedomstvoaralyq úılestirý bóliminiń bastyǵy Sergeı Ilınyh Esil aýdandyq polıtsııa basqarmasynda ótken brıfıngte aıtty.
«Esepti kezeńde qala aýmaǵynda esirtkini nasıhattaý, jarnamalaý faktileri men esirtki aınalymyna qatysty saıttardyń jolyn kesý baǵytynda úlken jumys atqarylyp jatyr. Osylaısha jyl basynan beri 69 saıt psıhıkalyq belsendiretin zattardy satqany úshin buǵattaldy», - dedi departament ókili.
Onyń aıtýynsha, esirtki saýdasyna qatysy bar saıttar buǵattalyp qana qoımaı, ony uıymdastyrýshylardy jaýapqa tartý qatar júredi.
«Esirtki jarnamalaýmen, esirtki saýdasyna qatysy saıttarmen baılanysty 11 qylmystyq is qozǵaldy», - dedi Sergeı Ilınyh.