Astanada erteńnen bastap apta saıyn aýyl sharýashylyǵy jármeńkesi ótedi
16:09, 10 Maýsym 2022
NUR-SULTAN. QazAqparat – 11 maýsymnan 5 qarashaǵa deıin elordada ár demalys kúni aýylsharýashylyǵy ónimderiniń jármeńkesi ótedi. Oǵan 40-tan astam jergilikti kásipker men óńirlerden óndirýshiler qatysady, dep habarlaıdy QazAqpart qala ákimdiginiń resmı saıtyna silteme jasap.
Elorda ákimdiginiń málimetine sáıkes, jármeńkede kókónister, et jáne sút ónimderi, balyq, bal jáne basqa da azyq-túlik usynylady. Baǵa Nur-Sultan qalasy boıynsha bazardaǵydan arzan bolmaq.
Jármeńkege Aqmola, Qaraǵandy, Qostanaı, Shyǵys Qazaqstan oblystarynyń aýyl sharýashylyǵy ónimderin óndirýshiler tartylady.
Ótetin orny: «Astana-Arena» stadıonynyń janyndaǵy avtoturaq alańy. Ár demalys kúnderi saǵat 9:00-18:00 aralyǵynda uıymdastyrylady.