Astanada erteń «Qazmunaıgazservıs - 2014» konferentsııasy ótedi
Bul týraly «Qazaqstannyń servıstik kompanııalarynyń odaǵy» zańdy tulǵalar birlestiginiń baspasóz qyzmetinen habarlaıdy.
Atalǵan is-shara Qazaqstan Respýblıkasy Munaı jáne gaz mınıstrliginiń resmı qoldaýymen ótkiziledi. Aıta keteıik, sharany Qazaqstan servıstik kompanııalarynyń odaǵy 2012 jyldan bastap ótkizip keledi.
Konferentsııada sońǵy úsh jyl ishinde iri munaı-gaz jobalaryndaǵy qazaqstandyq qamtýǵa, qazaqstandyq kompanııalardy osy jobalarǵa tartýǵa baılanysty, sondaı-aq otandyq kompanııalardyń jer qoınaýyn paıdalanýshylarmen jáne memlekettik organdarmen ózara is-áreketine baılanysty problemalardy talqylaý úshin shamamen 90 otandyq munaı-servıstik kompanııalardyń ókilderi bas qospaq.
Jıyndy iri jer qoınaýyn paıdalanýshylarmen talqylaý, sondaı-aq jobalardaǵy qazaqstandyq qamtý úlesterin kóbeıtý boıynsha usynystar alý jáne kompanııalardy jer qoınaýyn paıdalanýshylardyń jobalaryna tartý boıynsha praktıkalyq talqylaý pishiminde ótkizý josparlanyp otyr. Sondaı-aq konferentsııanyń maqsaty - satyp alý josparlaryna jáne satyp alýdaǵy qatysý erejelerine qatysty jer qoınaýyn paıdalanýshylardan aqparat alý bolyp tabylady.
Konferentsııaǵa QR Munaı jáne gaz vıtse-mınıstri M.M.Myrzaǵalıev, QR Indýstrııa jáne jańa tehnologııalar vıtse-mınıstri N.E.Saýranbaev, Mańǵystaý oblysy ákiminiń orynbasary R.M.Ámirjanov, Kelisimshart agenttigi dırektory J.I.Nurbekov, «Qazmunaıgaz» UK AQ, «SNPS-Aqtóbemunaıgaz» AQ, «KAZENERGY» assotsıatsııasy, Qazaqstannyń Mashınajasaýshylar odaǵy jáne Ulttyq kásipkerler palatasynyń ókilderi, otandyq munaı-servıstik jáne munaıgaz kompanııalarynyń basshylary qatysady. Konferentsııa sheńberinde Qazaqstannyń servıstik kompanııalar odaǵy men Mańǵystaý oblysynyń ákimdigi arasyndaǵy yntymaqtastyq týraly memorandýmǵa qol qoıylady, dep kútilýde.