Astanada eriktiler qańǵybas janýarlarǵa kútim jasaýǵa kómektesip jatyr

ASTANA. QazAqparat – Tamyzdyń ár úshinshi senbisinde halyqaralyq qańǵybas janýarlardy qorǵaý kúni atap ótiledi. Elordada bul máselege erekshe kóńil bólinedi, dep habarlaıdy QazAqparat elorda ákimdiginiń resmı saıtyna silteme jasap.

Ákimniń bastamasymen qalada 2020 jyldan bastap janýarlardy qorǵaý máseleleri jónindegi keńes jumys isteıdi, onyń quramyna zoobaq uıymdarynyń ókilderi, qoǵam qaıratkerleri, veterınarlar kiredi. Olarǵa eriktiler de kómektesip jatyr

Elorda eriktileri qaraýsyz júrgen janýarlardyń úıine únemi baryp, ıtter men mysyqtardy tamaqtandyrýǵa, kútýge kómektesedi.

Búginde Astana boıynsha 6 brıgada qaraýsyz júrgen janýarlardy ustaýmen aınalysady: ár aýdanǵa bir-birden jáne taǵy bir jedel áreket etý brıgadasy bar.

Aıta ketý kerek, elordada 2017 jyldan bastap osy maqsatta erekshe ádisteri qoldanylyp keledi, onda torlar, tuzaqtar, jem qoldanylady.

Ustalǵan ıtter men mysyqtar ıesine qaıtarylǵanǵa deıin nemese úshinshi tulǵaǵa berilgenge deıin ýaqytsha ustaý pýnktinde 60 kún bolady. Bul rette talap memorandým aıasynda «Aýlaýlaýdy toqtat» zooqorǵanys uıymyna beriledi. 60 kún ishinde degelmıntızatsııa, qutyrýǵa qarsy vaktsınatsııa jáne chıpteý sııaqty tıisti veterınarııalyq-profılaktıkalyq sharalar júrgiziledi.

Búginde ýaqytsha ustaý pýnktinde 3 000-nan astam ıt pen 200 mysyq bar.

Qańǵybas janýarlarǵa qatysty máseleni sheshýdiń negizgi ádisteriniń biri – olardy zararsyzdandyrý. Sońǵy úsh jylda 9 500 janýar zararsyzdandyryldy.