Astanada erekshe balalarǵa arnalǵan merekelik kontsert ótti

<p>Ázirbaıjan Mámbetov atyndaǵy memlekettik drama jáne komedııa teatrynda &laquo;Qosh keldiń Jańa jyl&raquo; merekelik kontserti ótti, dep habarlady <a href="Kazinform." target="_blank" rel="noopener">Kazinform</a> Astana qalasy ákimdiginiń saıtyna silteme jasap.&nbsp;</p>

Merekelik is-sharaǵa múmkindigi shekteýli balalardy tárbıelep otyrǵan jáne áleýmettik turǵydan az qamtylǵan otbasylar qatysty. 

«Jańa jyl qarsańynda bizdiń ortalyq erekshe qajettiligi bar balalardy jańa jyldyq «Arystan patsha» spektaklin tamashalaýǵa shaqyrdy. Ortalyqtyń qyzmetin paıdalanatyn 620-dan astam bala týǵandarymen birge búgingi is-sharaǵa qatysty. Mundaı meıramdy biz jyl saıyn atap ótemiz», - dedi Astana qalasy ákimdiginiń «Jansaıa» áleýmettik qyzmet kórsetý ortalyǵynyń jetekshisi Aıgúl Beısenova. 

Ertegilik spektaklden keıin balalar ónerlerin kórsetip, án aıtyp, bı bıledi. 

«Kontsertte Qýandyq Raqymnyń «Qazaqtyń ulymyn» ánin oryndadym. Bul kompozıtsııany ózim tańdap, kóp ýaqyt daıyndaldym», - dedi merekege qatysqan balalardyń biri Saıan Tuńǵyshev. 

Aıta keteıik, buǵan deıin Astanada jańajyldyq otshashýdy qaı jerden tamashalaýǵa bolatynyn jazǵan bolatynbyz.