Astanada «Eolus» qarjy pıramıdasyn uıymdastyrýshy uzaq merzimge sottaldy

<p>ASTANA. KAZINFORM - Astanadaǵy &laquo;Eolus&raquo; qarjy pıramıdasynyń qurylymdyq bólimshesin uıymdastyrýshy uzaq merzimge bas bostandyǵynan aıyryldy, dep habarlaıdy Qarjylyq monıtorıng agenttiginiń baspasóz qyzmeti.&nbsp;</p>

Onyń 2023 jyly AQSh-ta ornalasqan jańartylatyn energııa kózderine ınvestıtsııa salý jeleýimen jeke tulǵalardan aqsha tartý maqsatynda keńse jaldap, «ENERGY EOLUS QAZAQSTAN» JShS-ny tirkegeni anyqtaldy.

Investorlardyń qarajaty krıptovalıýta túrinde tartyldy jáne esepke alý men qaıta bólý úshin qyzmet sheteldik hakerler jasaǵan «energyeolus.info» platformasynda kórsetildi.

Astanada aqshasyn salǵan 535 adam tartyldy.

Sot sheshimimen 187 mln teńgege teń 408 myń USDt kólemindegi krıptovalıýta memleket paıdasyna tárkilendi.

Sot úkimimen uıymdastyrýshy kináli dep tanylyp, oǵan múlki tárkilenip, 6 jyl merzimge bas bostandyǵynan aıyrý, 5 jyl merzimge azamattardyń qarajaty men ınvestıtsııalaryn tartýǵa baılanysty qyzmetpen aınalysý quqyǵynan aıyrý jazasy taǵaıyndaldy.

Qarjy pıramıdasyn qurǵan adam qylmystyq jaýapkershilikke tartylady jáne múlki tárkilenip, 10 jylǵa deıin bas bostandyǵynan aıyrylýy múmkin.

Qarajatty ınvestıtsııalaý kezinde kompanııanyń senimdiligin tekserý qajet. Osy maqsatta «Baiqa, piramida!» telegram boty jumys isteıdi.