Elorda kúninde qandaı merekelik sharalar ótedi
31 tamyzǵa deıin ár senbi men jeksenbi kúnderi saǵat 14:00–den bastap Qalalyq alańda, ortalyq jaǵalaýda (Esil ózeni), Ortalyq saıabaqta (amfıteatrǵa qarama-qarsy), «Jeruıyq» saıabaǵynda, «Jetisý» saıabaǵynda balalarǵa arnalǵan oıyn-saýyq baǵdarlamalary, shyǵarmashylyq ujymdardyń qoıylymdary, fleshmobtar qamtylyp, «Creative summer» jazǵy jobasy ótedi.
3 shilde kúni saǵat 18:00–de E.Rahmadıev atyndaǵy Memlekettik akademııalyq fılarmonııada Qazaqstannyń úzdik dástúrli ánshileri, kúıshileri, jyrlaryna arnalǵan «Asyl mura» merekelik kontserti ótedi. Oǵan óner qaıratkerleri men elimizdiń tanymal shyǵarmashylyq ujymdary qatysady. Atap aıtqanda, Qazaqstannyń Halyq ártisi Ramazan Stamǵazıev, Qazaqstannyń eńbek sińirgen qaıratkerleri Aıgúl Elshibaeva, Elmura Jańabergen, Aıgúl Qosanova, Ardaq Balajanova, Klara Tólenbaeva jáne basqa da ártister bar.
5 shildede saǵat 19:00–de Amfıteatrda «Aıalaǵan Astana» gala-kontserti ótedi, bul joba damýǵa yqpal etedi jáne qazaqstandyq jas talanttarǵa úlken sahnaǵa shyǵýǵa múmkindik beredi.
5 shilde kúni saǵat 15:00–de «Jastar» teatrynda «Baıraǵy bıik baıtaǵym» aqyndar arasyndaǵy respýblıkalyq múshaıra baıqaýynyń jeńimpazdaryn marapattaý rásimi ótedi.
5 shildede saǵat 11:00–de Jazýshylar alleıasynda «KITAPHANA FEST-2024» kitap festıvali ótedi. Kirý tegin. Festıval úsh negizgi bloktan turady — kitap jármeńkesi, bilim berý baǵdarlamasy jáne balalar men otbasylarǵa arnalǵan baǵdarlama.
5-7 shilde aralyǵynda elordada «Teatralnaıa Eýrazııa» I Halyqaralyq kóshe teatrlarynyń festıvali ótedi. Іs-sharaǵa Estonııa, Polsha, Máskeý jáne qazaqstandyq teatr ujymdary men ártisteri qatysady.
6-7 shildede saǵat 12:00–de halyqaralyq kóshe teatrlary festıvaline qatysýshylardyń sherýi ótedi. Ol qala alańynan bastalyp, Ortalyq saıabaqta sherýdi aıaqtaıdy.
6 shildede saǵat 18:00–de EKSPO alańynda Open air ashyq aspan astyndaǵy merekelik kontsert ótedi. Іs-sharada otandyq estrada juldyzdary Ninety one, Orda, Raim, Sadraddin, Kalifarniya, Nazima, Alpha, T’OI, Imzi, Qurmash Mahan, Jazzdauren jáne basqa da ártister óner kórsetedi.
6 shildede saǵat 11:00–de jáne saǵat 15:00–de qala shetinde turǵyn alaptarynda elorda turǵyndary men qonaqtaryna arnalǵan «Astana — júregim» kontsertteri ótedi. Merekelik is-sharada Mádı Qadyrov, Gúlnur Orazymbetova, Dosymjan Tańatarov, Medet jáne Klara Salyqovtar, Baýyrjan Isaev jáne qazaqstandyq estradanyń basqa da juldyzdary óner kórsetedi.
6 shilde kúni saǵat 20:00–de Amfıteatrda E.Rahmadıev atyndaǵy Memlekettik akademııalyq fılarmonııa ártisteriniń qatysýymen «Astana — arman qala» merekelik kontserti ótedi. Іs-sharaǵa belgili óner qaıratkerleri men estrada juldyzdary Maıra Іlııasova, Qanat jáne Sveta Aıtbaevtar, Araılym Rahymqyzy, Gúlnur Orazymbetova, Zarına Omarova, Muratbek Haırolda, Farıda Joldasova, Ákimhan Májenov, Altynshash Muqataeva, sondaı-aq DJ Dake jáne «ALEM» Zamanaýı bı baleti qatysady.
6, 7 jáne 8 shildede saǵat 12:00–den bastap qala qonaqtary men turǵyndary úshin Ortalyq saıabaqta «Mereke street» jazǵy jobasy jumys isteıdi. Bul sheberlik synyptary men ashyq aspan astyndaǵy kınoteatry bar barlyq jastaǵy azamattarǵa arnalǵan Otbasylyq demalys festıvali.
7 shildede EKSPO alańynda dombyra kúnine arnalǵan merekelik shoý-kontsert ótedi. Kesh qonaqtary: «Qorqyt» etno-folklorlyq ansambli, «Made in KZ» toby, Ibragım Eskendir jáne «Altyn dombyra» balalar shyǵarmashylyq ortalyǵy, «Assyl» toby, Qalifarniya, Qanay, Aqtoty Bolshova jáne basqa da ártister.
8 shilde kúni «Jastar» saraıynda saǵat 19:00–de Astana men Nýsantara baýyrlas qalalar kúnin merekeleý qurmetine birlesken merekelik kontsert ótedi. Іs-sharada Qazaqstan men Indonezııanyń daryndy ártisteriniń dástúrli mýzykasy men bıleri oryndalady.
Elorda kúnine aýqymdy sporttyq-buqaralyq is-sharalar josparlanǵan. Olardyń ishinde eń úlkeni: «Jasaıber, jaına Astanam!», «Tolaǵaı» respýblıkalyq týrnıri, at jarysy (konkýr), «Elorda kýbogy» báıgesi, «El júregi — Astana!» bar.
Іri is-sharalarmen qatar 2010-2011 jyly týǵan jasóspirimder arasynda bokstan «Qazaq Arlany» by M. Toitov boks klýbynyń ashyq respýblıkalyq týrnıri, tirek-qımyl apparaty zaqymdanǵan adamdar arasynda paýerlıftıngten qala kýbogy «Baıqońyr» aýdanynyń turǵyndary arasynda voleıboldan týrnır, asyq atýdan «Astana saqasy» ashyq týrnıri (erler, áıelder), múmkindigi shekteýli sportshylar arasyndaǵy «Shoýdaýn» ústel tennısinen chempıonat. Osy is-sharalardyń barlyǵy Astana kúnin merekeleý qurmetine uıymdastyrylady.