Astanada Eleýsinovter otbasy «Mereıli otbasy-2015» baıqaýynyń jeńimpazy atandy

ASTANA. QazAqparat - Bıyl baıqaýǵa 50-den astam úmitker qatysty. Eń úlgili otbasy atanýǵa belgili dárigerler, jýrnalıster, ánshiler talasty. Sany jaǵynan Oekenovtar áýleti (10 bala, 26 nemere, bir shóbere) bárinen asyp tústi, dep habarlady sports.kz.

Jeńis Eleýsinovter otbasyna buıyrdy. Endi olar «Mereıli otbasy-2015» respýblıkalyq baıqaýynyń fınalyna Astana atynan qatysatyn bolady. Otaǵasy Marat Tálipuly men anasy Ǵalııa Nurmuhanqyzy bilimderi boıynsha - muǵalim (dene tárbıesi pániniń ustazdary). Úlken qyzy Dınara - horeograf, «Naz» bı teatrynda jumys isteıdi. Uldary Dáýren men Danııar - tanymal boksshylar, olardyń bapkeri - ákeleri bolǵan. Ekeýi mektep jasynan bastap sportpen aınalysqan. Dáýren - halyqaralyq dárejedegi sport sheberi, eldiń eki dúrkin chempıony, stýdentter arasyndaǵy álem birinshiliginiń jeńimpazy, Azııa chempıonatynyń júldegeri. Endi ol kásibı rıngte baǵyn synap kórmekshi. AQSh-qa otbasymen kóship barǵan Dáýren bolsa, úsh jekpe-jek ótkizip, úsheýinde de jeńiske jetken.

Al inisi Danııar eldiń ulttyq quramasynyń kapıtany. Ol Álem jáne Azııa chempıony, Olımpıada oıyndarynyń qatysýshysy. 2013 jáne 2014 jyldary Halyqaralyq áýesqoılar boksy qaýymdastyǵynyń (AIBA) nusqasy boıynsha ǵalamshardyń úzdik boksshysy bolyp tanylǵan.