Astanada elektrondyq úkimet portaly arqyly salyq tólegender arasynda birinshi utys oıyny bolyp ótti
20:20, 18 Qyrkúıek 2013
ASTANA. 18 qyrkúıek. QazAqparat - Búgin Astanada elektrondyq úkimettiń 2013 jyl ishinde .kz. portaly arqyly salyq tólegen qazaqstandyqtarǵa arnalǵan aktsııasy aıasynda birinshi utys oıyny bolyp ótti.
Bul týraly «Ulttyq aqparattyq tehnologııalar» AQ baspasóz qyzmetinen habarlady.
«Oıyn barysynda 16 planshettik kompıýterdiń nemese jeke kýáliginiń chıpindegi elektrondyq sandyq jazýmen jumys isteıtin 52 kartrıdjderdiń birin alatyn jeńimpazdardyń attary belgili boldy. Joly bolǵan jeńimpazdardy belgili telejúrgizýshi Nursultan Qurman anyqtap, quttyqtady», - delingen habarlamada.
Qazaqstannyń túkpir-túkpirinen barlyǵy 264 ótinim tirkelgen bolatyn, olardyń 102-si (38%) shalǵaı aýdandardyń turǵyndarynan keldi. Aqtóbe, Qaraǵandy, Qostanaı, Atyraý jáne Shyǵys Qazaqstan oblystary belsendilik tanytty. Sondyqtan da jeńimpazdardyń kópshiligi - osy aımaqtardyń ókilderi, - dep habarlady «UAT» AQ.