Astanada elektrondyq baqylaý qurylǵysy synaqtan ótkizildi

ASTANA. QazAqparat - Búgin Astanada DEF CON halyqaralyq konferentsııasy ótkizilip onda Qazaqstan men Reseıdiń úzdik IT-sarapshylary «KazTechInnovations» JShS otandyq ınnovatorlarynyń elektrondyq baqylaý qurylǵysyn synyqtan ótkizdi, dep habarlaıdy «QazAqparat» HAA tilshisi.

Qazaqstandyq joba eldiń penıtentsıarlyq ınfraqurylymyn jańartýǵa arnalǵan. Konferentsııa barysynda Qazaqstan men Reseıdiń aqparattyq qaýipsizdik salasyndaǵy mamandar kemshilikti anyqtaý úshin elektrondyq baqylaý qurylǵysynyń baǵdarlamalyq jáne apparattyq júıesine synaq jasap kórdi. Synaq jobanyń ishki áserge tózimdiligin kórsetti.

Atalǵan joba «100 naqty qadam» Ult josparyna sáıkes, memlekettik-jekeshelik áriptestik aıasynda «Alataý» ITB» AEA bazasynda jasalǵandyǵyn atap ótý kerek.

Buǵan deıin atalǵan joba QRІishki ister mınıstrligi qyzmetkerlerine tanystyrylyp, elektrondyq baqylaý qurylǵysy keshendi tekserýden ótken bolatyn. Qazaqstandyq qurylǵynyń artyqshylyǵy - bes jyl boıy qaýipsizdikti baqylaý bilezikteri qýattaýsyz, úzdiksiz jumys atqara beredi.