Astanada elektrondy veterınarlyq anyqtama júıesi engiziledi

ASTANA. QazAqparat - Astanada «elektrondy veterınarlyq anyqtama» pılottyq jobasy júzege asyrylmaq. Bul týraly Astanada ótken baspasóz máslıhatynda QR AShM Veterınarlyq baqylaý jáne qadaǵalaý komıtetiniń tóraǵasy Tursyn Qabdoldanov málim etti, dep habarlaıdy «QazAqparat» HAA tilshisi.

«Biz Astananyń úsh saýda ortalyǵynda - «Álem», «Eýrazııa» men «Shapaǵatta» elektrondy veterınarlyq anyqtama júıesin engizgeli jatyrmyz. Veterınarlyq anyqtamanyń elektrondy formaty neni bildiredi? Bizde Biryńǵaı avtomattandyrylǵan basqarý júıesi (BABJ) men Aýyl sharýashylyǵy maldaryn sáıkestendirý (AShMS) bar. Veterınarlyq maman veterınarlyq anyqtamany bergen kezde - olarda logın bolady. Olar júıege enip, veterınarlyq anyqtamany elektrondy formatta rásimdeıdi. Veterınarlyq anyqtamanyń nómirin júıeniń ózi anyqtaıdy. Demek, saýda ortalyǵyna ákelingen kezde anyqtama júıeden tabylmasa, naryqqa kirgizilmeıdi», - dedi Tursyn Qabdoldanov.

Onyń aıtýynsha, 1 sáýirden bastap bul júıe Almaty men Qaraǵandy oblystaryna da engizilmek.

Tursyn Qabdoldanovtyń aıtýynsha, BABJ quramyna veterınarlyq anyqtamanyń shynaıylyǵyn anyqtaı alatyn ishki ister organynyń ókilderi de kire alady. Osylaısha, elektrondy veterınarlyq anyqtama jalǵan blankilerdi qoldanýdyń, bir anyqtamany eki-úsh mal úshin paıdalanýdyń aldyn alatyn bolady.