Astanada elektr energııasyn tutyný kólemi azaıdy
Astana qalasy ákiminiń orynbasary Vasılıı Krylovtyń qatysýymen ótken keńeıtilgen otyrysta qalanyń kommýnaldyq mekemeleriniń 2013 jyly istegen jumysyyń qorytyndysy týraly aıtyldy. Jıynda eski energetıkalyq qondyrǵylardy jańasyna aýystyryp, elektr qýatyn únemdeý saıasatyn engizýdiń nátıjesinde kommýnaldyq kásiporyn mekemelerinde elektr energııasyn tutyný kólemi 2012 jylmen salystyrǵanda tómendegeni belgili boldy.
Otyrysta «Astana sý arnasy» MKK 2013 jylǵy jumysynyń qorytyndysy men 2014 jylǵa jospary talqylandy. Atap aıtqanda, eski jelilerdi shyǵynǵa jazyp, ıesiz qurylystardy balansqa alýmen sý-káriz sharýashylyq nysandaryn túgendeý boıynsha úlken jumystar júrgizilip jatqany týraly baıandaldy.
Budan basqa, kásiporynnyń aqparattyq tehnologııalardy engizýge basa nazar aýdaratyny da aıtyldy. Mysaly, 2013 jyly arnaıy tehnıkanyń avtomobıl parki jańartyldy, sý qubyry jelilerin qalpyna keltirý, sýmen qamtý jelilerin jańǵyrtý jumystary júrgizilip, eýropalyq sapadaǵy órt sóndirý gıdranttary satyp alynyp, eski sý qubyrlary jańasyna aýystyryldy.