Astanada «Elbasy jáne Qazaq memlekettigi» kitabynyń tanystyrylymy ótedi

ASTANA. QazAqparat - 13 mamyrda QR Ulttyq akademııalyq kitaphanasynyń Qazaqstan halqy Assambleıasy zalynda QR Parlamenti Májilisiniń depýtaty, Qazaqstan halqy Assambleıasynyń múshesi Qýanysh Sultanovtyń «Elbasy jáne Qazaq memlekettigi» kitabynyń tanystyrylymy bolady.

Bul týraly QHA baspasóz qyzmeti habarlady.

Uıymdastyrýshylar - Qazaqstan halqy Assambleıasy , QR Prezıdentiniń janyndaǵy «Qoǵamdyq kelisim» RMM, QHA ǵylymı-saraptamalyq keńesi.

«Elbasy jáne Qazaq memlekettigi» kitabynda Memleket basshysy Nursultan Nazarbaevtyń táýelsiz Qazaqstannyń qalyptasýy, qarqyndy damýy jáne halyqaralyq bedeliniń nyǵaıýy jolyndaǵy san qyrly qyzmeti beınelengen.

QHA ǵylymı-saraptamalyq keńesi tanystyrylym aıasynda belgili qoǵam qaıratkeri, saıası ǵylymdardyń doktory, professor Qýanysh Sultanovtyń osynaý biregeı kitabynyń jarııa retsenzııasyn uıymdastyryp otyr. Basylym 2015 jyldyń 13 mamyrynan bastap sandyq nusqada ǵalamtor jelisi arqyly da usynylatyn bolady.

Tanystyrylymǵa Qazaqstan halqy Assambleıasynyń músheleri, QR Parlamenti Májilisiniń depýtattary, ǵylymı-saraptamalyq keńestiń qyzmetkerleri, memlekettik organdardyń, joǵary oqý oryndarynyń, ǵylymı jáne shyǵarmashyl zııaly qaýymnyń ókilderi, jastar, Ulttyq akademııalyq kitaphananyń oqyrmandary qatysady.