Astanada Elbasy N. Nazarbaevtyń ómiri men qyzmetine arnalǵan kitaptyń tusaýy kesildi (FOTO)

ASTANA. QazAqparat - Búgin Astanadaǵy «Nazarbaev Ortalyǵynda» Elbasy N.Nazarbaevtyń ómiri men qyzmetine arnalǵan «Nýrsýltan Nazarbaev: Chelovek ý vlastı» atty kitaptyń tusaýy kesildi. Qalyń oqyrmanǵa jol tartqan týyndy Bilim jáne ǵylym mınıstrligine qarasty Memleket tarıhy ınstıtýty men «QR Tuńǵysh Prezıdenti - Ult Kóshbasshysy kitaphanasy» memlekettik mekemesiniń qoldaýymen jaryqqa shyqty, al onyń avtorlary: professorlar Búrkitbaı Aıaǵan men Álıma Aýanasova.

Jaryqqa shyǵyp otyrǵan tarıhı-ómirbaıandyq kitap oqyrmanǵa buǵan deıingi kúnderi jiti tanys bolyp úlgergen «N.A.Nazarbaev - osnovatel nezavısımogo gosýdarstva», «Mır o Nazarbaeve», «Kemeńger», «Nezavısımyı Kazahstan ı Lıder Natsıı» sekildi kóptegen eńbekterdiń jalǵasy bolyp tabylady.

Bul rette kitap avtorlary eldiń saıası shyńyna shyǵyp, ony halyqaralyq sahnada tanymal ete bilgen daryndy tulǵanyń ómir jolyn kórsetýdi kózdegen. Sondyqtan da olar týyndyny «Nýrsýltan Nazarbaev: Chelovek ý vlastı» dep atap otyr. Kitaptyń ataýy mazmunynda saıası sahnaǵa óziniń tabandylyǵynyń, eńbekqorlyǵynyń, alǵa qoıǵan máselelerdiń túpki maǵynasyna jete, ári olardy belgilengen merzim ishinde sheshe bilý qabiletiniń, qoǵamdy bastaý qasıetiniń arqasynda kóterilgen tulǵa týraly aıtylatynyn bildiredi.

Professor Búrkit Aıaǵannyń aıtýynsha, kitapta alǵash ret Qazaqstannyń bolashaq prezıdentiniń qalyptasý jolyn, onyń álem qaýymdastyǵy oń baǵalaǵan saıası karerasy men zańdy saltanatyn zerttep baqylaýǵa múmkindik beretin eńbek jolynyń kezeńderi baıandalady. Bul rette avtorlar kitap keıipkeriniń ómirbaıanyn zertteý arqyly Qazaqstannyń 75 jyldyq tarıhı damý zańdylyǵyn da zerdeleıdi, qoǵam damýyndaǵy keńestik júıeniń daǵdarysyn, táýelsiz memlekettiń qalyptasý kezeńindegi reformalardyń qaryshtap damýyn kórsetýge tyrysady. Tutastaı alǵanda avtorlardyń kózdegen maqsaty Qazaqstannyń atyn álemge pash etken, Qazaqstannyń dúnıejúzi elderi qatarynan oryn taýyp, qurmetti memleketke aınalýyna, ári qazirgi qym-qıǵash geosaıası jaǵdaılarda oń ról atqarýyna sebeptesken reformatorlyq rýhyn ashyp kórsetý boldy. Sharaǵa Parlament depýtattary, dıplomatııalyq korpýstyń ókilderi, memleket jáne qoǵam qaıratkerleri, ǵalymdar qatysty.