Astanada el turǵyndaryn 2,9 mlrd teńgege shyǵyndandyrǵan alaıaq ustaldy

<p>ASTANA. KAZINFORM - Bıylǵy 6 aqpan kúni Bas prokýratýranyń úılestirýimen Astana qalasynda asa iri kólemde alaıaqtyq qylmysy boıynsha kúdikti M.K.Súleımenov ustaldy, dep habarlaıdy QR Bas prokýratýrasynyń baspasóz qyzmeti.</p>

Buǵan deıin 30 qańtar kúni Qyzylorda qalasynda onyń taǵy bir sybaılasy R.Q.Qarjaýov anyqtalyp, ustaldy.

Qylmystyq is materıaldaryna sáıkes, K.Súleımenov 2021-2022 jyldary adamdar tobymen birlesip, azamattarǵa jalǵan avtokólik nesıesin rásimdegen. Olardyń alaıaqtyq áreketterinen 231 adamǵa 2,9 mlrd teńge zalal keltirilgen.

Tergeý barysynda 2022 jyldyń mamyr aıynda Súleımenov tergeýden boı tasalap, oǵan izdeý jarııalanǵan bolatyn.

Qazirgi ýaqytta Súleımenov Aqtaý qalasyna jetkizilip, ýaqytsha ustaý ızolıatoryna qamaldy.

Endi onyń múlki tárkilenip, belgili bir laýazymdardy atqarý nemese belgili bir qyzmetpen aınalysý quqyǵynan ómir boıyna aıyrylady. Sondaı-aq on jylǵa deıingi merzimge sottalýy múmkin.