Astanada EQYU-ǵa múshe elderdiń úkimettik emes sektory jetekshileriniń forýmy ótedi

A. Qarashanyń 24-i. QazAqparat /Rýslan Ǵabbasov/ - Astanada EQYU-ǵa múshe elderdiń úkimettik emes sektory jetekshileriniń forýmy ótedi. Bul týraly búgin Astanada ótip jatqan IV Azamattyq forýmynyń plenarlyq otyrysynda QR Memlekettik hatshysy - Syrtqy ister mınıstri Qanat Saýdabaev málim etti,

 dep habarlaıdy QazAqparat.

 EQYU -ǵa tóraǵa retinde azamattyq qoǵamdy ary qaraı qoldaý men damytý baǵytyndaǵy máselelerge toqtalǵan Q. Saýdabaev, «biz elordada EQYU-ǵa múshe elderdiń úkimettik emes sektory jetekshileriniń forýmyn ótkizýge nıettimiz», dedi.

Memlekettik hatshy Qazaqstan úshin bul úlken jumys bolatynyn jáne bizdiń azamattyq qoǵam qandaı bıikterge qol jetkizgenin, elimizdiń ómirinde ÚEU-lar qandaı orynda tuǵyrlanǵanyn kórsetýde biregeı múmkindik bolatynyn jetkizdi.

 «Osy oraıda barlyq ÚEU-lardy otansúıgishtik tanytyp, birlikke, sondaı aq EQYU-ǵa Qazaqstannyń sátti tóraǵalyq etýine óz úlesterińizdi qosýǵa shaqyrǵym keledi», dedi ol.