Astanada EKSPO-2017 eriktilerin daıyndaý boıynsha baǵdarlama bastaldy

ASTANA. QazAqparat - Búginde 3000 erikti irikteldi, olardyń kóbi JOO stýdentteri. Tyńdaýshylardyń birinshi toby daý-damaılardy sheshý boıynsha trenıngten ótti. Astanalyq eriktilermen birge elordada sýpervaızerler de bilim aldy, olar óz tájirıbesimen óńirlerdegi áriptesterimen bólisetin bolady, dep habarlady qalalyq ákimdiktiń baspasóz qyzmetinen.

2017 jylǵa deıin 4500 erikti daıyndyqtan ótedi. Kórme aýmaǵynda qonaqtarmen erip júretin eriktiler EKSPO-qalashyǵy ınfraqurylymynyń obektileri men elementteriniń ornalasý orny týraly habardar etedi, basqalary - kelýshilerdi bılettendirý; jeke zattar joǵalǵan jaǵdaıda, kómek kórsetýge jáne izdestirý bıýrosymen yntymaqtasý; medpýnkterdiń qyzmetkerlerine kómek kórsetýge jáne kórme áriptesteri men demeýshilerimen birge júrýge jaýap beredi.

Sonymen qatar, eriktiler keshen turaqtaryn baqylaıdy, kóliktiń ýaqytyly usynylýyn jáne kórmege kelýshiler men qatysýshylardy avtobýs aıaldamalaryna jiberedi. Resmı delegatsııalardyń múshelerin qabyldap, olarmen erip júretin bólek top qurylady. Buqaralyq aqparat quraldarynyń ókilderine baspasóz úshin jaýapty kómekshiler kómektesedi.

EKSPO-2017 eriktisi bolýǵa nıet bildirýshiler expo2017astana.com. saıtynda saýalnama toltyra alady.