Astanada ekologııa jáne kólik salalarynda shvedterdiń «aqyldy» jobalary engiziledi

ASTANA. QazAqparat - Astana qalasynyń ákimi Áset Isekeshev Qazaqstan Respýblıkasynda Shvetsııa Koroldiginiń Tótenshe jáne ókiletti elshisi Matos Foıer bastaǵan jetekshi kompanııalardyń bıznes-delegatsııasymen kezdesti. Bul týraly elorda ákimdiginen habarlady.

Kezdesý barysynda Astana qalasy úshin birqatar naqty jobalar men jańa tehnologııalyq sheshimder talqylandy. Atap aıtqanda, ǵımarattardy jobalaý, kólik jáne qurylys salasy, jańartylatyn energııa kózderin paıdalanatyn jańa energetıkalyq sheshimderdi qoldaný, jańa energııa únemdeý tehnologııalary, qaýipsizdik boıynsha birqatar smart-tehnologııalar jáne taǵy da basqa «aqyldy» sheshimder usynyldy.

10-nan astam shved kompanııasy usynǵan jobalar elorda ákimdiginiń qyzyǵýshylyǵyn týdyrdy.

Sondaı-aq kezdesý barysynda Astana men Stokgolm arasyndaǵy yntymaqtastyqty nyǵaıtý jáne elordanyń 20 jyldyq mereıtoıy aıasynda birqatar is-sharalar ótkizý máseleleri talqylandy.