Astanada «Eki jaýynger» eskertkishi ashyldy (FOTO)

ASTANA. QazAqparat - Búgin Astanada «Eki jaýynger» eskertkishiniń saltanatty ashylý rásimi ótti. Atalmysh sharaǵa 2 myńnan astam qala turǵyny jınaldy. Shara barysynda eskertkishke gúl shoqtary qoıyldy, dep habarlaıdy astana.kz.

«Qurmetti ardagerler, sizderdi Uly Jeńistiń 70 jyldyǵymen quttyqtaımyn. Elimizdiń tarıhynda óshpes iz qaldyrdyńyzdar. Biz sizderdi maqtan tutamyz. Barshańyzǵa zor densaýlyq, baqyt tileımin»,- dedi Astana qalasy ákiminiń orynbasary Ermek Amanshaev eskertkishtiń ashylý rásiminde

Saltanatty sharadan keıin «Jeńis jolynda» atty keń aýqymdy jastar aktsııasy óz bastaýyn aldy. Jastar sherýi «Eki jaýynger» eskertkishinen Q. Munaıtpasov atyndaǵy stadıonǵa deıin 1,5 km sozyldy. Sherý barysynda soǵys jyldaryndaǵy ánder oryndaldy.

Stadıon janynda sherýge taǵy 5 myńǵa jýyq elorda jastary qosyldy. Sherý sońynda merekelik kontsert, soǵys tehnıkasynyń kórmesi uıymdastyryldy.

Aktsııanyń basty maqsaty uly tarıhymyzdy ulyqtaý, soǵys jyldarynda óz erligimen otanymyzdy jaýdan qorǵap qalǵan ardagerlerdiń esimin el esinde jańǵyrtý bolyp tabylady.