Astanada eki baǵdarǵa jańa elektr poıyzy shyǵaryldy

ASTANA. QazAqparat - Qazaqstan Respýblıkasy Táýelsizdiginiń 25 jyldyq merekesin karsanynda elordadan «Astana-Qaraǵandy» jáne «Astana-Kókshetaý» baǵyttary boıynsha jaılylyǵy joǵary eki jańa elektr poıyzy saparǵa attandy, dep habarlaıdy «Jolaýshylar tasymaly» AQ-nyń baspasóz qyzmeti.

«Astana-Qaraǵandy»  marshrýty boıynsha elektr poıyzy Astanadan 14 saǵat 55 mınýtta shyǵyp, jolda Vıshnevka, Osakarovka, Qaraǵandy-Suryptaý stansalaryna aıaldaıdy.

Birinshi synypty vagonda jol júrý quny - 1 305 teńge, ekinshi synypta- 1 216 teńge, úshinshi deńgeıde - 1 010 teńge.

Elektrpoıyz quramynda 2 vagon birinshi synypty, 2 vagon ekinshi synypty jáne 2 vagon úshinshi synypty.

«Astana-Kókshetaý»  marshrýty boıynsha elektr poıyzy 15 saǵatta attanyp, jolda olar Aqkól, Makınka, Býrabaı stansalaryna aıaldaıdy.

Birinshi synypty vagonda jol júrý quny - 1 567 teńge, ekinshi synypty vagonda- 1 459 teńge, úshinshisinde - 1 201 teńge.

Elektr poıyzynyń quramynda 2 vagon birinshi klass, 2 vagon ekinshi klass jáne 2 vagon úshinshi klass.

Elektr poıyzdary álemdik qala mańy standartyna saı jasalǵan. Sonymen qatar  Keden odaǵy tehnıkalyq reglamentine de sáıkes.

Jańa quramda jolaýshylarǵa barlyq jaǵdaı jasalǵan: yńǵaıly jumsaq kreslo, passıvti qaýipsiz kresh-júıe, Wi-Fi bazasyndaǵy aqparattyq-oıyn-saýyq portaly (jolaýshylarǵa jalpy aqparatty kórý múmkindigi beriledi, sonymen qatar kóńil kóteretin fılmder men oıyndar) derektemelerdi tirkep otyratyn salondar men tambýrlardyń beınebaqylaý júıesi, qazaq, orys jáne aǵylshyn tilinde jol júrý parametry týraly aqparaty bar «Júgirtpe jol» aqparattyq tablosy jáne taǵy da basqalary.

Elektr poıyzynda múmkindigi shekteýli jolaýshylar vagonǵa otyrý úshin arnaıy kótergish qarastyrylǵan, sondaı-aq qaýipsizdik belbeýi, jeńil arbany bekitýge arnalǵan qurylǵy jáne jolserikti shaqyrý úshin jeke batyrmasy ornatylǵan jeke oryndar bar.