2022 jyly Qor men klınıkalar arasynda jalpy somasy 2,4 mlrd teńgeni quraıtyn medıtsınalyq qyzmetter kórsetý týraly sharttar jasalǵan, onyń ishinde jyljymaly medıtsınalyq poıyz qyzmetteri de qamtylǵan.
- Jobany iske asyrý bastalǵannan keıin klınıka basshylary alaıaqtyq shema uıymdastyryp, medıtsınalyq kómekti is júzinde almaǵan patsıentter týraly aqparattyq júıege kórineý jalǵan málimetter engizgen. Atap aıtqanda, jalǵan dıagnozdar men kórsetilmegen qyzmetter tirkelgen. Kún saıyn jalǵan túrde tirkeletin patsıentter sany 90-nan 150 adamǵa deıin jetken. Nátıjesinde klınıkalar naqty kórsetilmegen medıtsınalyq qyzmetter úshin Qor qarajatynan zańsyz túrde 682 mln teńge alǵan, — delingen habarlamada.
2024 jyldyń qańtar aıynda qylmystyq jolmen alynǵan tabystyń bir bóligi — 364 mln teńge — klınıka basshylary men onyń jubaıynyń jeke esepshottaryna aýdarylǵan.
— Kúdikti qamaýǵa alyndy. Sot sanktsııasymen onyń múlkine: Ispanııadaǵy qala syrtyndaǵy úı, Astana qalasyndaǵy páter, sondaı-aq avtokólikke tyıym salyndy. Tergep-tekserý jalǵasyp jatyr, dep habarlamady QMA.
Qazaqstan Respýblıkasy QPK 201-babyna sáıkes ózge aqparat jarııa etilmeıdi.
Buǵan deıin QMA belgili bloger Qaısar Qamzaǵa halyqaralyq izdeý jarııalaǵan bolatyn.