Astanada eki kóshe ýchaskesi ýaqytsha jabylady
23:15, 04 Mamyr 2024
<p>ASTANA. KAZINFORM – Elordalyq Kólik jáne jol-kólik ınfraqurylymyn damytý basqarmasy E.Brýsılovskıı men G.Tıtov kóshelerindegi jol tósemin ortasha jóndeý jumystaryn júrgizip jatyr. Bul týraly Astana ákimdiginiń resmı saıty jazdy.</p>
Jóndeý jumystaryn júrgizýge baılanysty E.Brýsılovskıı kóshesiniń Kenesary kóshesinen A.Imanov kóshesine deıingi ýchaskesinde 5-6 mamyr aralyǵynda qozǵalys ishinara jabylatyn bolady.
Sondaı-aq Almalyq kóshesinen Ardagerler kóshesine deıingi ýchaskede G.Tıtov kóshesindegi jol jabynyna jóndeý júrgizý josparlanyp otyr. Osyǵan baılanysty 5-6 mamyr aralyǵynda avtokólik quraldarynyń qozǵalysy tolyǵymen jabylady.
«Elorda turǵyndary men qonaqtarynan qala joldaryndaǵy keptelisterdi boldyrmaý maqsatynda óz marshrýttaryn aldyn ala josparlaýdy suraıdy», - delingen habarlamada.