Astanada eki azamat esirtkimen ustaldy

<p>ASTANA. KAZINFORM &mdash; QR ІІM Ulttyq ulany áskerı jasaǵynyń jedel áreketteriniń arqasynda esirtki tárkilenip, kúdiktiler ustaldy. Bul týraly áskerı vedomstvonyń baspasóz qyzmeti málim etti.</p>

Birinshi jaǵdaı Astana qalasynyń Aqqum kóshesinde qyzmet atqarý kezinde bolǵan. QR ІІM Ulttyq ulanynyń 5573 elordalyq brıgadasynyń áskerı qyzmetshilerinen quralǵan áskerı jasaq bastyǵy kishi serjant Myqtybek Quralbaı patrýldik qatardaǵy jaýyngerler Edık Mansurov jáne Qýat Sábıtbekovpen birge kúdikti áreket ete bastaǵan adamdy baıqaǵan.

Foto: QR ІІM Ulttyq ulanynyń baspasóz qyzmeti

— Biz kúdikti is-áreket etken azamatty kórgende, baılanys arqyly áskerı jasaq boıynsha kezekshi efreıtor Jaınar Manatqa habarladyq. Oqıǵa ornyna jedel-tergeý tobynyń qyzmetkerlerin shaqyra otyryp, tekserý kezinde azamattan elektrlik taspamen oralǵan baılam tabyldy jáne tárkilendi. Onyń ishinde erekshe ıisi bar jasyl tústi esirtki zaty boldy, — dedi áskerı jasaq bastyǵy kishi serjant Myqtybek Quralbaı.

Sol kúni taǵy bir áskerı jasaq Qaratóbe kóshesin patrýldeý kezinde jerden belgisiz nárseni izdep júrgen adamdy baıqaǵan. Odan keıin ony áskerı jasaq bastyǵy Suńǵat Bolatuly men patrýldik qatardaǵy jaýyngerler Arman Qadyruly jáne Aqylbek Sembi ustady. Polıtsııa qyzmetkerleriniń jedel-tergeý toby ustaý ornynda tússiz paketke jabysqaq taspamen oralǵan esirtki zattaryn tapty.

Osy faktiler boıynsha 296-baptyń 2-bóligi boıynsha qylmystyq is qozǵaldy. Ustalǵan azamattar odan ári tekserý úshin polıtsııa bólimine jetkizildi.