Astanada «Eden Life» qarjy pıramıdasyn qurýǵa qatysty qylmystyq is qozǵaldy
«Qarjy monıtorıngi agenttiginiń elordalyq departamenti «Eden Life» qarjy pıramıdasyn qurý jáne basqarý faktisi boıynsha qylmystyq isti tergep jatyr.
Tergeý organy qalanyń sengish turǵyndarymen túrli sıpattaǵy ınvestıtsııalyq baǵdarlama kelisimderin jasap, oıdan shyǵarylǵan ınvestıtsııalyq jobalarǵa qarajat salýdy usynǵan tulǵalardy anyqtady.
Bul uıym ózin portfeldik ınvestıtsııa jáne qarjylyq keńes usynatyn halyqaralyq qarjylyq jáne analıtıkalyq kompanııa retinde kórsetedi.
Departamentte asa iri kólemde aqsha nemese ózge de múlikke qatysty qarjy pıramıdasyn qurý jáne basqarý faktisi boıynsha qylmystyq is tergelip jatyr», - delingen agenttiktiń baspasóz habarlamasynda.
Málim etilgendeı, Qylmystyq-protsesstik kodekstiń 201-babynyń talaptaryna sáıkes basqa derekter tergeý múddesi aıasynda jarııa etýge jatpaıdy.
QR Qarjy monıtorıngi agenttigi azamattardy qyraǵy bolýǵa jáne YouTube hostıngindegi «Eden Life» jarnamasyna aldanyp, jınaqtaryn kúmándi qarjy ınstıtýttaryna salmaýǵa shaqyrdy.