Astanada dóner tsehynda jarylys bolyp, janyndaǵy kólikti jalyn sharpydy

<p>ASTANA. KAZINFORM - Astanada dóner satatyn dúkende jarylys bolyp, órt shyqty. Oqıǵanyń vıdeosy áleýmettik jelilerde tarap jatyr, dep habarlaıdy QR Tótenshe jaǵdaılar mınıstrliginiń baspasóz qyzmeti.</p>

«Elordanyń Almaty aýdanyndaǵy Qudaıberdiuly dańǵylynda ornalasqan dóner tsehynda gaz-aýa qospasy jarylys týdyryp, sodan keıin órt shyqty», - delingen Tótenshe jaǵdaılar mınıstrliginiń habarlamasynda.

Jarylys saldarynan órt jaqyn mańdaǵy kókónis satatyn dúńgirshekke ótip, kólikti zaqymdaǵan.

Tótenshe jaǵdaılar mınıstrliginiń kúshterimen órt aldyn ala 24 sharshy metr aýmaqqa oqshaýlandy. Saǵat 23:46-da onyń tolyǵymen joıylǵany týraly habarlama keldi. Zardap shekkender joq.

Tótenshe jaǵdaıda 112 nómirine habarlasý kerek.