Astanada domofondy kirpishpen syndyryp, bótenniń kóligin búldirgen vandaldar jazalandy

<p>ASTANA. KAZINFORM - Elordada qoǵamdyq tártipti buzýshylarmen jáne vandalızmniń kez kelgen jaǵdaıymen kúres júrip jatyr. Polıtseıler kezekti vandaldardy anyqtap, jaýapqa tartty, dep habarlaıdy Astana ákimdiginiń resmı saıty.</p>

30 qyrkúıek kúni tańerteń 35 jastaǵy astanalyq úıiniń janyndaǵy shlagbaýmdy ádeıi syndyrǵan.

Osyǵan uqsas jaǵdaı kelesi kúni, túngi ýaqytta da boldy. 48 jastaǵy er adam mas kúıinde aýladaǵy kóliktiń qanatyn, bamperin búldirgen. Osylaısha ol basqa bireýdiń múlkine aıtarlyqtaı zııan keltirdi.

Sonymen qatar, 26 jastaǵy astanalyq turǵyn mas kúıinde kireberistegi domofondy kirpishpen uryp syndyrǵan. Úsheýi de tabylyp, jaýapqa tartyldy.

Aıta keteıik, jyl basynan beri Astanada eriktiler, belsendiler, tanymal sportshylar, qala turǵyndary qoldaǵan «Toqta, vandal» aktsııasy aıasynda profılaktıkalyq jumys júrgizilýde. Aktsııanyń maqsaty - vandalızmniń kez kelgen jaǵdaıyn boldyrmaý jáne elordada tazalyq pen tártipti saqtaý.

Jyl basynan beri sot 250-den astam adamdy bótenniń múlkin qasaqana búldirgeni, jalpy aýmaqtardy lastaǵany, ǵımarattar men turǵyn úı-jaılardy búldirgeni úshin jazalady. Olardyń barlyǵy jaýapqa tartyldy.

Vandalızmniń aldyn alý qalalyq prokýratýra men polıtsııa departamentiniń úılestirýimen júrgiziledi.