Astanada dombyrashylar «Elim dep soǵady júregim» fleshmobyn ótkizdi

ASTANA. QazAqparat - 14 sáýir kúni elordadaǵy «Kerýen» saýda-oıyn-saýyq ortalyǵynda «Bolashaq» qaýymdastyǵy kásibı dombyrashylardyń qatysýymen «Elim dep soǵady júregim» atty patrıottyq fleshmobyn ótkizdi, dep habarlaıdy atalmysh qaýymdastyqtyń baspasóz qyzmetinen.

Sharanyń maqsaty - ulttyq ónerimizdi dáripteý arqyly jastardy patrıottyqqa tárbıeleý jáne ulttyq qundylyqtarymyzdy damytý boldy. Onda ónerpazdar fleshmob taqyrybyn beıneleıtin qazaqtyń áıgili ásem kúılerin birinen soń birin tógiltti.

Aktsııa keshenge kelýshiler úshin kútpegen oqıǵa boldy. Jurtshylyq mýzykanttarǵa qarap, ózderiniń tańdanystaryn jasyrmasa da, balalyq shaqtan tanys ulttyq sazdar oınalǵanda mýzykanyń áýenine ilesip, qol shapalaqtaı bastady.

«Ulttyq kúılerimizdi tyńdaǵanda men qatty qýandym. Qalamyzda osyndaı patrıottyq fleshmobtardy uıymdastyrý óte jaǵymdy shara. Biz, ásirese, jastar ulttyq áýenderimizdi jıi tyńdap turýymyz kerek», - dedi qala turǵyny Baǵlan Erlanov.

Osylaısha, Astana qalasynyń Nazarbaev zııatkerlik mektebiniń dombyrashylar orkestriniń oryndaýyndaǵy qazaqtyń ańyzǵa aınalǵan kúıleri saýda úıine kelýshilerdiń qulaǵynyń quryshyn qandyrdy.