Astanada dızel qozǵaltqyshtaryn jóndeıtin zaýyt ashyldy
«Temirjol mashına qurylysyn odan ári damytý baǵdarlamasynyń aıasynda zaýyt amerıkanyń General Electric kompanııasyna tıesili tehnologııa boıynsha shyǵatyn Evolution serııaly lokomotıvterge arnalǵan 12 tsılındrli dızel qozǵaltqyshtaryna joǵary sapaly qyzmet kórsetedi jáne olardy kúrdeli jóndeýden ótkizedi, sondaı-aq, osy qozǵaltqyshtardy qurastyrady»,-deı kele, «Jańa jáne ımportty almastyrý óndirisin damytý ortalyǵy» QTJ» UK» AQ fılıalynyń dırektory Vadım Shaqshaqbaev Memleket basshysynyń aldynda zaýytty iske qosýǵa ruqsat surady.
Onyń aıtýynsha, zaýyt qyzmetkerleri AQSh-taǵy General Electric kompanııasynyń kásiporyndarynda oqýdan ótken. Bul zamanaýı zaýyt - elimiz boıynsha osyndaı qozǵaltqyshtar shyǵaratyn alǵashqy zaýyt.
«Bul - Qazaqstan úshin jap-jańa ınnovatsııalyq ónim bolyp sanalady. Men Nıý-Iorkte General Electric kompanııasynyń ókilimen kezdesken bolatynmyn. Qazir, osy jerde de (Táýelsizdik saraıynda) osy kompanııanyń ózge ókili otyrǵanynan habardarmyn. Sondyqtan, Qazaqstan úshin óte mańyzdy ári tehnıkalyq ınnovatsııalyq jobanyń iske qosylǵanyna qýanyshtymyz»,-deı kele Memleket basshysy zaýyttyń iske qosylýyna ruqsat berdi.