Astanada densaýlyǵyn túzetý qajettiligi bar balalar úshin mektep nege salynbaı jatyr

ASTANA. QazAqparat – Astanada túzetý mektepteri jetispeıdi. Arnaıy nysandar jańadan ashyla ma? Búgin másele qalalyq máslıhat otyrysynda qaraldy, dep habarlaıdy QazAqparat tilshisi.

Elorda máslıhatynyń hatshysy Erlan Kanalımov qalada densaýlyǵyna baılanysty túzetý qajettiligi bar balalarǵa arnalǵan mektepterdiń jetispeıtindigin aıtty.

«Qaladaǵy túzetý mektebiniń biri tozǵan, ekinshisine jóndeý jumystary júrmegen. Odan bólek, atalǵan mektepterge uzyn-sonar kezek. Bir aýdannan ekinshi aýdanǵa balalardy jetkizý – problema. Buǵan deıin sol jaǵalaýda jańa túzetý mektebin salý qajettigi týraly aıtqan bolatynbyz», - dedi ol.

Bilim basqarmasynyń basshysy Qasymhan Senǵazıevtiń aıtýynsha, mundaı mekteptiń áli jobasy jasaqtalmaǵan.

«Túzetý mektebi boıynsha jerge ótinish berdik. Tolyq jaýabyn bergen joq, jer tappaı jatyr. Osy jyly jobalap, kelesi jyly qurylysyna kirisý kerek», - deıdi basqarma basshysy.

Aıta ketsek, máslıhat otyrysynda úsh aýysymdyq oqý jáne mektep oryndarynyń jetispeýshiligi máseleleri kóterildi.

Sondaı-aq, elorda mektepterinde as máziri men taǵam ázirleý ádisi birkelki bolatyny aıtyldy.