Astanada dástúrli «Burqasyn - 2024» shańǵy festıvali ótedi

<p>ASTANA. KAZINFORM &ndash; Elordada qysqy sport maýsymyna arnalǵan dástúrli &laquo;Burqasyn 2024&raquo; shańǵy festıvali ótedi.</p>

Astana qalalyq sport basqarmasy málim etkendeı, atalǵan doda 24 aqpanda Esil ózeniniń jaǵasyndaǵy amfıteatrda ótedi.

Búgin Astana qalasy ákimdiginiń «Sporttyq-buqaralyq is-sharalardy uıymdastyrý dırektsııasy» memlekettik mekemesiniń basshysy Baqtııar Masanov Kommýnıkatsııalar qyzmetinde ótken brıfıngide is-sharanyń ótkiziý týraly atap ótti.

«Eń alǵash «Burqasyn» shańǵy merekesi 2000 jyly ótti. Jyldan jylǵa sporttyq dástúr elordanyń qysqy maýsymynyń bir bóligine aınalyp keledi. Jarys 24 aqpanda Esil ózeniniń jaǵasyndaǵy amfıteatrda ótedi. Tirkeý saǵat – 9.00-de, ashylý saltanaty saǵat 11.00-de ótedi. Іs-shara jyl saıynǵy qysqy festıval baǵdarlamasy aıasynda sporttyń 10 túrinen ótedi. Olar: shańǵy jarysy, gir kóterý, qol kúresi, belbeý kúresi, arqan tartys, hokkeı, nysana kózdeý jarystary, motosport jáne qysqy fýtbol», - dedi ol brıfıngte.

Aıta keteıik, shańǵy týrnırine jas toptaryna sáıkes keletin jáne sportqa qarsy kórsetilimderi joq kez kelgen adam qatysa alady. Sol sııaqty dárigerdiń ruqsaty da qajet. Tirkelý jáne ótinish berý kerek.

Ár jas toby boıynsha jeńimpazdar men júldegerlerge dıplomdar, medaldar jáne baǵaly syılyqtar tabystalady.