Astanada «Dala qasqyry» fılminiń jabyq kórsetilimi ótti

<p>ASTANA. KAZINFORM &ndash; Kınojoba Ulttyq kınony qoldaý memlekettik ortalyǵy jáne Golden Man Media kompanııasynyń qoldaýymen túsirildi jáne 15 tamyzdan bastap el kınoteatrlaryna jol tartpaq.</p>

«Dala qasqyry» – trıller men drama elementterin biriktiretin fılm. Shyǵarmashylyq top stsenarıı jumystaryna 10 jyl buryn kirisip, ony 2021 jyly aıaqtap, túsirilim jumystary bastalǵan.

Túsirilim jumystaryna 100-den astam maman qatysty. Qaýipti trıýkterdi qazaqstandyq kaskaderler oryndaǵan, buǵan qosa Belarýssııadan arnaıy mamandar da shaqyrylǵan. Fılmde joǵalǵan ulyn izdegen Tamara esimdi áıeldiń oqıǵasy baıandalady.

«Dala qasqyry» – keıipkerlerimen, baıandaýymen erekshe fılm. Mundaǵy keıipker áıel qatty qaıǵyryp turǵanmen, rýhy myqty, minezi qaısar. Týyndynyń shyraıyn keltirgen de ózi. Fılmniń halyqaralyq festıvaldarda júlde enshileýi sonyń dáleli, – deıdi fılmniń prodıýseri Álııa Meńdyǵojına.

Kanadadaǵy Fantasia Film Festival festıvalinde «Dala qasqyry» fılminiń akterleri Berik Aıtjanov pen Anna Starchenko «Róldi úzdik oryndaǵany úshin» nomınatsııasy boıynsha marapattaldy. Sonymen qatar fılm operatory Erkinbek Ptyralıev Oskar akademııasynyń múshesi boldy.

Bul «Dala qasqyrynyń» birinshi jetistigi emes. Budan bólek, ol ótken jyly Rotterdam kınofestıvalinde joǵary baǵalandy. Sondaı-aq Belgııada ótken halyqaralyq kınofestıvalda bas júlde ıelendi.