Astanada chıptelmegen úı janýarlary úshin aıyppul salyna bastady

<p>ASTANA. KAZINFORM &ndash; Elordadaǵy Saryarqa aýdanynda chmptelmegen janýarlardyń bar-joǵyn anyqtaý maqsatynda reıdter júrgizildi.</p>

Astana qalasy Qorshaǵan ortany qorǵaý jáne tabıǵatty paıdalaný basqarmasy, «Astana Vetservıs» ShJQ KMK ýchaskelik ınspektormen birlesip, Saryarqa aýdanynda úı janýarlarynyń ıeleri arasynda buzýshylyqtardy anyqtaý boıynsha reıdtik is-sharalar ótkizdi.

- Chıpterdiń nemese vaktsınatsııany rastaıtyn qujattamanyń joqtyǵy anyqtalǵan jaǵdaılarda Ákimshilik quqyq buzýshylyq týraly hattama jasalyp, «Ákimshilik quqyq buzýshylyq týraly» qoldanystaǵy kodeksine sáıkes aıyppul jazyldy, - delingen Astana qalasy ákimdiginiń habarlamasynda.

ÁQBtK-niń 407-2-babyna sáıkes, janýarlarǵa jaýapkershilikpen qaraý salasyndaǵy el zańnamasyn buzǵany úshin aıyppuldar kózdelgen:

Jeke tulǵalar úshin: 10 AEK × 3 692 teńge = 36 920 teńge.

Laýazymdy tulǵalar úshin: 20 AEK × 3 692 teńge = 73 840 teńge.

Іs-shara úı janýarlary ıeleriniń jaýapkershiligin arttyrýǵa jáne juqpaly aýrýlardyń taralý qaýpin azaıtýǵa baǵyttalǵan.

- «Barlyq janýarlar ıelerin zańnama normalaryn saqtaýǵa, chıpteýdi, vaktsınatsııalaýdy jáne zańda kózdelgen ózge de mindetti is-sharalardy ýaqtyly júrgizýge shaqyramyz. Úı janýarlaryna jaýapkershilikpen qaraý olardyń densaýlyǵy men qaýipsizdiginiń kepili, sondaı-aq qoǵamnyń ál-aýqatyn qamtamasyz etýdegi mańyzdy qadam bolyp sanalady», - delingen basqarma málimdemesinde.

Eske salsaq, depýtat Edil Jańbyrshın úı janýarlaryn chıpteý ıeleriniń jaýapkershiligi máselesin sheshpeıtinin aıtqan edi.