Astanada burshaq jaýyp, kólik terezeleri synyp ketti

<p>ASTANA. KAZINFORM - Astana qalasynyń áýejaı aýmaǵynda burshaq jaýyp, kólikterdiń terezesi shytynady, keıbirinde synyp ketti.</p>

Burshaq saǵat shamamen 17:50-18:00 shamasynda jaýdy. Halyqaralyq áýejaı mańyndaǵy kólikter bir sátke qozǵalysty toqtatyp, jol jıegine toqtady.

- Mundaı burshaqty birinshi ret kórip turmyn. Taýyq jumyrtqasyna jetetin shyǵar kólemi. Endi kóliktiń aldyńǵy terezesin aýystyrý kerek. Saqtandyrý kompanııalary shyǵyndy ótemeıdi. Ol osy aldyńǵy terezeniń túpnusqasy 80 myń, kóshirmesi 40-45 myń turady,- dedi taksı júrgizýshisi.

Aıta keteıik, osyǵan deıin atmosferalyq fronttardyń yqpalymen Qazaqstannyń basym bóliginde kún qubylmaly bolatyny aıtyldy. ıAǵnı naızaǵaı jarqyldap, burshaq pen jaýyn jaýady, daýyl soǵady. Elimizdiń batysynda, soltústik-batysynda qatty jańbyr jaýady. Tek elimizdiń ońtústiginde jáne ońtústik-shyǵysynda jaýyn-shashynsyz aýa raıy kútiledi.