Astanada burynǵy ınkassator bankomattan aqsha urlady degen kúdikke ilindi

<p>Urlyq osy jyldyń tamyz aıynda jasalǵan. 5 aıǵa jýyq ýaqyttan keıin júrgizilgen tekserý barysynda 3 mıllıon 760 myń teńge kólemindegi iri qarjy tapshylyǵy anyqtalǵan, dep habarlaıdy <a href="https://www.inform.kz/" target="_blank" rel="noopener">Kazinform.</a></p>

Beınebaqylaý kameralaryn qarap shyqqan tártip saqshylary kúdiktiniń izine túsken. Beınejazbada tańǵy ýaqytta betin jaýyp alǵan er adamnyń bank fılıalynyń ǵımaratyna qalaı kirgeni kórsetilgen. Ol bank apparatyn ashyp, qolma-qol aqsha salynǵan dıskilerdi alyp ketken.

Urlyqqa burynǵy ınkassatordyń qatysy bar ekeni belgili bolǵan. Buǵan deıin 27 jastaǵy kúdikti 2 aı jumys istep, aqsha tasymaldaýmen aınalysqan. Ol jumystan shyqqannan keıin bankomattyń kirý kodtaryn biletin bolǵandyqtan aqsha urlaýǵa bel býǵan.

QR QK 188-babynyń 3-bóligi boıynsha sotqa deıingi tergeý amaldary júrgizilýde, er adam kinásin moıyndady.