Astanada búgin qar aralas jańbyr jaýyp, kóktaıǵaq boldy

<p>ASTANA. KAZINFORM - Búgin Astanada jańbyr aralas qar jaýdy. Túngi aýysymǵa kósheni qardan tazartýǵa kommýnaldyq qyzmet 700-den astam arnaıy tehnıka men 150-ge jýyq jol jumysshysyn jumyldyrdy, dep habarlaıdy elorda ákimdigi.</p>

Astanada qar kúreý jumysy táýlik boıy kúsheıtilgen rejımde júrgiziledi. 

Foto: Astana ákimdigi

Birinshi kezekte ortalyq kóshelerde, jolaýshylar kóligi marshrýttarynda, aıaldamalar men trotýarlarda tazalap jatyr. 

Qys basynan bastap 6 mln tekshe metrden astam qar shyǵaryldy, bul 447 myńnan astam aýyr júk kólemine teń.

Foto: Astana ákimdigi

Kóktaıǵaq kezinde qala turǵyndarynyń yńǵaıly qozǵalysy úshin joldarǵa, trotýarlar men kóshelerge qum-tuz qospasy sebiledi.

«Avtokólik júrgizýshilerinen jolda muqııat bolýdy, jyldamdyq rejımin saqtaýdy suraımyz» dep eskertedi ákimdikten.

Foto: Astana ákimdigi

Esterińizge sala keteıik, Qazgıdromet málimetinshe, Astanada 10 naýryzda kún bultty, jańbyr aralas qar jaýyp, kóktaıǵaq bolady. 

Ońtústik-batystan soǵatyn jeldiń ekpini — 9-14 m/s. Aýa temperatýrasy túnde jáne kúndiz -2-4 gradýs sýyq.

Foto: Astana ákimdigi