Astanada búginde úleskerlerdiń qarajattary tartylǵan 45 problemdyq nysan bar

ASTANA. QazAqparat - Búgin Astana qalasy máslıhatynyń depýtaty Edil Mamytbekovtyń tóraǵalyǵymen zańdylyqty qamtamasyz etý máseleleri boıynsha Konsýltatıvti keńes ótti, onda turǵyn úı qurylysyndaǵy úlestik qatysý salasyndaǵy qalyptasqan jaǵdaıdy sheshýge baǵyttalǵan jergilikti atqarýshy organnnyń áreket nátıjeleri talqylandy.

Májilis jumysyna Konsýltatıvtik keńestiń músheleri, memlekettik organdardyń jaýapty laýazymdyq tulǵalary, jáne buqaralyq aqparattar quraldarynyń ókilderi qatysty, dep habarlaıdy Astana qalasy prokýratýrasynyń baspasóz qyzmeti.

 Májilisti ashý kezinde, Konsýltatıvtik keńestiń Tóraǵasy E.Q. Mamytbekov kún tizbesiniń asa ózekti ekendigin eskere ótti, sebebi turǵyn úı qurylysy máseleleri Elbasynyń erekshe baqylaýynda jáne turǵyn úı qurylysynda aldanǵan úleskerlerdiń máselelerin sheshýden shet qalý múmkin emes ekendigin baıandady.

Búgingi kúni astanada 45 problemdyq nysan bar (ol jalpy salynyp jatqan ǵımarattardyń 1/6 bóligin quraıdy), olardyń salynýyna qurylys kompanııalarymen úleskerlerdiń aqshalaı qarajattary tartylǵan, alaıda olardyń qurylysy uzaq ýaqyt boıy aıaqtalmaı jatyr.

Quqyq qorǵaý organdarymen turǵyn úı qurylysyna úleskerlerdiń aqshalaı qarajattary salý máseleleri boıynsha 19 qylmystyq is tergelip jatyr.

Májilis kezinde Astana qalasynda úleskerlik qurylys problemalyq nysandarynyń qala prokýratýrasymen daıyndalǵan syzbanusqasy kórsetildi. 

Otyrys qorytyndylaryn talqylaý nátıjesinde Konsýltatıvtik keńes ákimdikke Ortaq sharalar josparyn daıyndap, onyń ishinde Bas prokýratýranyń «Aldaýsyz úleskerlik baspana» jobasyn júzege asyrý úshin járdemdesýdi usyndy.

Sonymen qatar, múddeli organdarǵa turǵyndar arasynda olardyń quqyqtarynyń buzylýyna jol bermeý maqsatynda, aqparattyq-túsindirý materıaldardyn baıandaý jolymen, túsindirýshilik jumystardy júrgizýdi belseńdetý tapsyryldy.