Astanada bir túnde 3,5 myńǵa jýyq júk kóligi reısine teń qar shyǵaryldy

<p>1 600-den astam arnaıy tehnıka men 2 500-ge jýyq jol jumysshy kúndizgi aýysymda kóshelerdi qardan tazartýǵa shyqty. Qardyń mol bolýyna baılanysty tazartý jumysy táýlik boıy júrgizilip jatyr, dep habarlaıdy <a href="Kazinform." target="_blank" rel="noopener">Kazinform</a> elorda ákimdiginiń resmı saıtyna silteme jasap.&nbsp;</p>

9 qańtardan 10 qańtarǵa qaraǵan túni shamamen 50 myń tekshe metr qar shyǵaryldy, bul - 3 444 júk reısine teń.

Qys mezgiliniń basynan bastap elordada 1 654 224 tekshe metr qar shyǵaryldy, bul - 121 myńnan astam aýyr júk reısi. 

Qar arnaıy polıgondarǵa shyǵarylady. Elordada birneshe jabdyqtalǵan qar polıgony jumys isteıdi. Olar samosval tehnıkasynyń nómirlik belgilerin oqý júıesimen jabdyqtalǵan, munda beınebaqylaý kameralary ornatylyp, jaryqtandyrý qosylǵan. 

Aıta ketsek, «Qazgıdromet» RMK derekteri boıynsha Astanada 10 qańtarda bultty, túnde qar, kúndiz jaýyn-shashyn (negizinen qar), boran bolady. Kúndiz kóktaıǵaq. Ońtústik-batysqa kóshetin ońtústik-shyǵystan soqqan jel 9-14, ekpini 15-20, kúndiz 23-28 m/s. Aýa temperatýrasy túnde -16-18, kúndiz 1-3 aıaz.