Astanada bos jumys oryndaryna arnalǵan kezekti jármeńke ótti

<p>ASTANA. KAZINFORM &ndash; Elordada jumyssyzdyqty joıý, halyqtyń ál-aýqatyn arttyrý maqsatynda túrli sharalar uıymdastyrylyp keledi. Osyǵan oraı elordalyq jastar úshin &laquo;Arbat&raquo; jaıaý júrginshiler kóshesinde kezekti bos oryndar jármeńkesi ótti.&nbsp;</p>

Elorda ákimdigi resmı saıtynyń málimetinshe, atalǵan is-sharany Astana qalasynyń Jastar saıasaty máseleleri basqarmasy, Astana qalasy ákimdiginiń «Astana jastary» jastar resýrstyq ortalyǵy, qala ákimdiginiń «Eńbek mobıldiligi ortalyǵy» jáne Saryarqa aýdanynyń ákimdigi birlesip ótkizgen. 

Mundaǵy maqsat – jumys berýshi men jumys izdeýshi arasyndaǵy tikeleı baılanys arqyly jumyssyz azamattardy, bilim berý uıymdarynyń túlekteri men jastardy jumysqa ornalastyrýǵa járdemdesý. 

Foto: Astana ákimdigi

Uıymdastyrýshylardyń aıtýynsha, jyl basynan beri Astanada mundaı jármeńke úsh ret ótkizilgen. 

«Jyl basynan beri Astana qalasy ákimdiginiń «Astana jastary» 3 bos jumys oryndary jármeńkesin ótkizdi. Oǵan elordanyń 300-den astam uıymy qatysyp, jas mamandarǵa 1 000-ǵa jýyq bos jumys orny usynyldy, 300-ge jýyq adam jumysqa ornalastyryldy. Al kezekti ótip jatqan bos oryndar jármeńkesinde 40 mekeme jas mamandarǵa 200-ge jýyq bos jumys ornyn usynady. Jármeńke barysynda jumys berýshiler óz kompanııalarynyń prezentatsııasyn ótkizip, bos vakansııalaryn usynyp, ózderine degen eń qolaıly kandıdattardyń bazasyn qalyptastyrady. Jumys izdeýshiler, óz kezeginde kompanııalardyń HR-menedjerlerimen tildesip, suhbattasýdan ótip, ózin qyzyqtyrǵan suraqtaryn qoıa alady», – deıdi Neet jastarmen jumys jasaý bóliminin basshysy Álfarabı Aımaq.

Aıta ketý kerek, Jastar saıasaty máseleleri jónindegi basqarma «Astana jastarymen» birlesip, toqsan saıyn bos jumys oryndary jármeńkelerin ótkizedi. Jalpy 1 tamyzdaǵy jaǵdaı boıynsha jumyspen qamtýǵa járdemdesýdiń belsendi sharalaryna 393,4 myń astanalyq qatysyp, 293,5 myń adam jumyspen qamtylǵan. Onyń 143,6 myńy turaqty jumysqa ornalasqan.