Astanada «Bolashaq» túlekterine arnalǵan bos jumys oryndarynyń jármeńkesi ashyldy

ASTANA. 18 shilde. QazAqparat - Búgin Astanadaǵy «Redısson» qonaq úıinde «Bolashaq» baǵdarlamasynyń túlekterine arnalǵan bos jumys oryndarynyń jármeńkesi ashyldy.

«Halyqaralyq baǵdarlamalar ortalyǵy» AQ prezıdenti Saıasat Nurbektiń aıtýynsha, osy jolǵy jármeńkege 600-ge jýyq túlek qatysýy múmkin. Olardyń deni - bakalavr baǵdarlamasynyń túlekteri. «Al magıstratýrany bitirgen mamandardyń barlyǵy búginde jumyspen tolyǵymen qamtylyp otyr. Sebebi olarǵa suranys joǵary», - deıdi S.Nurbek.

Aıta keteıik, bos jumys oryndary jármeńkesine munaı-gaz jáne energetıka salasynyń jetekshi kompanııalary qatysýda.