Astanada «Bolashaq» stıpendııasy túlekteri úshin bos jumys oryndary jármeńkesi ótedi
Qazaqstan Respýblıkasy Prezıdentiniń «Bolashaq» halyqaralyq stıpendııasy túlekterin jumysqa ornalastyrýǵa yqpal jasaý boıynsha is-sharanyń uıymdastyrýshylary Bilim jáne ǵylym mınıstrligi men «Halyqaralyq baǵdarlamalar ortalyǵy» AQ bolyp tabylady, dep habarlanǵan ortalyq saıtynda.
Jármeńke baǵdarlamasynda jumys berýshilerdiń tanystyrýlary, testileýler, kásibı suhbat jáne networking-kompanııalardyń top-menedjmentin «Bolashaq» halyqaralyq stıpendııasy túlekterimen beıresmı tanystyrý qamtylmaq.
Bolashak Job Fair jumysy sheńberinde Networkingsession ótkizý kózdelgen, onda jármeńke qatysýshylarymen S.Toraıǵyrov atyndaǵy Pavlodar memlekettik ýnıversıtetiniń rektory, «Bolashaq» baǵdarlamasynyń túlegi Aryn Orsarıev kezdesip, óziniń tabysqa jetý tarıhymen bólisedi. «Máńgilik el» ulttyq ıdeıasynyń negizgi basymdylyqtaryn iske asyrýdaǵy óz úlesteri jaıly qatysýshylar Qazaqstan Respýblıkasy Mádenıet jáne sport mınıstrligi Tilderdi damytý jáne qoǵamdyq-saıası jumystar komıtetiniń tóraǵasy, «Bolashaq» baǵdarlamasynyń túlegi Danııar Taýmuratpen talqylaıdy.
Jalpy alǵanda, «Bolashak Job Fair 2015» kásiptik jármeńkesi eńbek naryǵynyń áleýetimen tanysyp, óziniń kásibı deńgeıin baǵalaǵysy keletinder úshin múmkindik beretin biregeı ınteraktıvtik alań bolyp otyr. Jármeńkege «Bolashaq» baǵdarlamasynyń 500-den asa túlegi men memlekettik jáne jeke mekemelerden jáne halyqaralyq uıymdar men ulttyq kompanııalardan 50 jumys berýshi qatysady dep kútilýde.
Bos jumys oryndarynyń jármeńkesine myna silteme boıynsha tirkelýge bolady.