Astanada bokstan ótip jatqan Azııa chempıonatynda tarıhı oqıǵa boldy
03:02, 05 Mamyr 2024
<p>ASTANA. KAZINFORM – Aýǵanstandyq boksshy 1995 jyldan beri alǵash ret Azııa chempıonatynyń fınalyna jetti, dep habarlaıdy <a href="https://www.sports.kz/news/istoricheskoe-sobyitie-proizoshlo-nachempionate-azii-poboksu-vastane" target="_blank" rel="noopener">Sports.kz.</a></p>
Oqıǵa Astanada ótip jatqan qurlyqtyq jastar birinshiliginde boldy. Jarysta 22 jasqa deıingi sportshylar arasynda 80 kelige deıingi salmaq boıynsha jartylaı fınalda judyryqtasqan Kaıs Alızada tóreshilerdiń jeke sheshimderi boıynsha, úndistandyq boksshy Sıngha Dhrývany 3:2 esebimen jeńdi. Fınalda Alızada altyn medal úshin qazaqstandyq Erasyl Jaqpekovpen jekpe-jekke shyǵady. Erasyl aldynda ózbekstandyq Fazlıddın Erkınboevty 4:1 esebimen jeńgen bolatyn.
Aýǵanstannyń Azııa chempıonatyndaǵy osyǵan deıingi jetistigine keletin bolsaq, 1995 jyly eresekter arasyndaǵy jarysta Djavıd Aman altyn medal úshin bolashaq Olımpıada chempıony, qazaqstandyq Ermahan Ibraımovpen shyǵyp, jeńilip qalǵan bolatyn.