Astanada bokstan Baqtııar Artaevtyń júldesine arnalǵan týrnır bastaldy

<p>ASTANA. KAZINFORM &ndash; Búgin Astanada bokstan Afına Olımpıadasynyń chempıony, Vel Barker kýbogynyń ıegeri Baqtııar Artaevtyń qurmetine arnalǵan jasóspirimder arasynda halyqaralyq týrnır bastaldy.</p>

Dańyqty boksshymyz Artaevtyń qurmetine arnalǵan týrnır resmı jarystar kúntizbesine engizilgen. Atalmysh básekege Qazaqstannyń túkpir-túkpirinen jáne Ózbekstan, Qyrǵyzstan, Ázerbaıjan sııaqty kórshi memleketterden jalpy sany 300-ge jýyq bylǵary qolǵap sheberi synǵa túsedi.

Boks týrnıri 2 jas deńgeıi boıynsha ótedi. Jalpy 14 salmaqta jeńimpazdar anyqtalady. Júldege ıe bolǵan sportshylarǵa qarjylaı syıaqy tabystalmaq.

Halyqaralyq týrnır Astana tórindegi «Bılaın Arena» saraıynda ótip jatyr.

Aıta ketý kerek, Baqtııar Artaev atyndaǵy baıraqty báseke alǵash uıymdastyrylyp jatyr.

Eske salaıyq, boksshy osydan týra 20 jyl buryn, ıaǵnı, Afıny Olımpıadasynda top jarǵan bolatyn. Qazaqstandyq sportshylar arasynan jalǵyz ózi altynǵa qol sozyp, eldiń abyroıyn asqaqtatty. Sondaı-aq álem chempıonattary men Azııa birinshilikterinde birneshe ret jeńis tuǵyrynan kórindi.

Jarys 28 naýryz kúni máresine jetedi.