Astanada bilim bóliminiń basshysy balabaqshadan oryn alyp bergeni úshin para alǵan

<p>ASTANA. KAZINFORM &ndash; Astana qalasy Bilim basqarmasynyń bólim basshysy paramen balabaqshadan oryn alyp berýmen aınalysqany áshkere boldy. Bul týraly QR Sybaılas jemqorlyqqa qarsy is-qımyl agenttiginiń resmı ókili Danııar Bıgaıdarov aıtty.&nbsp;</p>

— Astana qalasy boıynsha Sybaılas jemqorlyqqa qarsy qyzmet elordalyq Bilim basqarmasynyń bólim basshysyn áshkereledi. Ol «INDIGO» tsıfrlyq servısin ysyryp qoıyp, balalardy memlekettik balabaqshalarǵa qabyldaý máselesin ońtaıly sheshkeni úshin birneshe ret para aldy dep kúdikke ilinip otyr, - dedi resmı ókil.

Sonymen qatar, bólim basshysy óziniń laýazymdyq ókilettiginen asyra paıdalanyp, is júzinde eńbek etpegen ulyn jeke balabaqshaǵa jumysqa ornalastyrǵan. 

Qazirgi ýaqytta bólim basshysynyń isi sotqa berildi.

Eske sala keteıik, buǵan deıin Antıkor mıllıardtaǵan dollarlyq ınvestıtsııaǵa qaramastan, ǵylymı jobalardyń 70%-dan astamy praktıkalyq paıda ákelmeı, maqalalar men kitaptar shyǵarýmen aıaqtalatynyn áshkerelegen edi.