Astanada bıyl 9 kásiporyn jekeshelendiriledi

ASTANA. QazAqparat - Astanada 2018 jyldyń sońyna deıin 9 memlekettik kásiporyndy básekelestik ortaǵa berý josparlanyp otyr, dep habarlaıdy QazAqparat Elorda Infoǵa silteme jasap.

«2018 jyldyń sońyna deıin Astanada 9 memlekettik kásiporyndy básekelestik ortaǵa berý josparlanyp otyr», - dep málim etti qalanyń aktıvter jáne memlekettik satyp alý basqarmasyndaǵylar.

Basqarma bıyl jekeshelendiriletin kásiporyndar tizimin usyndy: 

1. «Astana-Tazalyq» JShS

2.  «Astananyń avtosharýashylyǵy» JShS

3.  «Astana-Kógaldandyrýqurylysy» AQ

4. «Astanabasjospar» ǵylymı-zertteý jobalaý ınstıtýty» JShS

5. «Astana qalasynyń kommýnaldyq menshigi qory»  MKK-ten ShJQ

6. «№1 avtobýs parki»AQ  

7. «Astana - arnaıy qyzmet kórsetý bıýrosy» JShS 

8. «Astana ormany»  JShS

9. «Astana qalalyq jaryq» JShS 

Aıta keteıik, buǵan qosa bıyl elordanyń «Shapaǵat» kommýnaldyq bazaryn jekeshelendirý josparlanǵan bolatyn. Keıin Astana ákimdiginiń usynysymen bul másele Úkimette qaralyp, kommýnaldyq bazardy básekelestik ortaǵa berý máselesi 2020 jylǵa qaldyryldy.