Astanada biryńǵaı beınebaqylaý júıesi iske qosylady

ASTANA. QazAqparat - Elordada beınebaqylaý boıynsha jańa mehanızmdi qurý týraly memorandýmǵa jyl saıyn ótkiziletin Internet of Things Forum Astana 2018 ekinshi halyqaralyq forýmnyń barysynda qol qoıyldy, dep habarlaıdy QazAqparat.

Birlesken yntymaqtastyq týraly qujatqa «Qazaqtelekom» AQ men «Astana qalasy monıtorıng júrgizý jáne jedel eleý qalalyq ortalyǵy» forýmnyń ІoT baspasóz konferentsııasynyń aıasynda qol qoıǵan. Elordany beınebaqylaý júıesine 25 myń taspa biriktiriledi dep boljanyp otyr.

«Naryq jetilgen, suranys bar. Adamdar, kompanııalar, uıymdarǵa quraldardy qosyp, ІOT ınfraqurylymy berip otyrǵan qyzmet túrlerin paıdalanýy qajet, sondyqtan bul forým taraptardyń barlyǵyn bir alańda kezdestirýge baǵyttalǵan», - dep baıandady tilshiler aldynda sóz sóılegen «Qazaqtelekom» AQ strategııalyq basqarmasynyń bas dırektory Batyr Mahanbetájıev.

«Internet of Things Forum Astana 2018 forýmynda jeliler men túrlerdiń óte kóp ekeni talqylandy. Biraq, solaı bolǵanymen, málimetter jiberýdiń turaqtylyǵy men qaýipsizdigi - óte mańyzdy másele. Bizdiń kompanııa bolashaqta naryqtyń atalǵan segmentiniń jedel ósimin kútip otyr», - dep qosty ol.

Eske sala keteıik, Astana qalasynda Qazaqstandaǵy Internet of Things salasyndaǵy eń iri salalyq shara bolyp ótti. Forýmnyń jumysyna 500 adam, Qytaı, Reseı, Germanııa, AQSh, Frantsııa, Sıngapýr jáne Ulybrıtanııadan kelgen 100-den astam kompanııa qatysty.