Astanada birde-bir kásiporynnyń jalaqy boıynsha qaryzy joq

ASTANA. QazAqparat - Jyl basynan búgingi kúnge deıin Astanada eńbek qaryzyna qatysty birde-bir daý-damaı oryn alǵan joq, dep habarlaıdy QazAqparat elordanyń medıa ortalyǵyna silteme jasap.

Qalalyq eńbek, jumyspen qamtý jáne áleýmettik qorǵaý basqarmasynan málim etkendeı, eńbek daý-damaılary kóbine kásiporynnyń qyzmetkerlerge jalaqyny ýaqytyly tólemeýine qatysty bolady.

«Búgingi kúni eńbek sharttary sheńberinde jumys isteıtin kásiporyndardyń jumyskerleri arasynda jalaqy bereshegine qatysty Astana qalasy boıynsha qandaı da bir shıelenisti jaǵdaılar tirkelgen joq (jalaqyny keshiktirýdiń jeke biryńǵaı faktileri boıynsha ýaqytyly sharalar qabyldanady jáne olar joıylady). Mysaly, aıyppul sanktsııalaryn salmaı, olardy joıý týraly uıǵarymdy shyǵarýmen buzýshylyqty anyqtaý turǵysynda obektilerge barýdy júzege asyramyz, ıaǵnı májbúrleý jáne usyný sıpatyndaǵy ádispen jumys isteımiz», - delingen habarlamada.

Eńbek, jumyspen qamtý jáne áleýmettik qorǵaý basqarmasynyń aqparatyna sáıkes, jumys berýshiler men kásipodaqtar arasynda yntymaqtastyq týraly 18 156 memorandýmǵa qol qoıylǵan.