Astanada bir jylda jańa baspana baǵasy 27% qymbattaǵan

NUR-SULTAN. QazAqparat - Ulttyq statıstıka bıýrosy 2022 jylǵy mamyrda turǵyn úı naryǵyndaǵy baǵa qalaı ózgergenin málim etti, dep habarlaıdy QazAqparat.

Bir jylda qoldanystaǵy páterlerdi qaıta satý baǵasy – 27,9%, jańa turǵyn úıdi satý 19,3% ósti.

Abattandyrylǵan turǵyn úıdi jalǵa alý tólemi ótken jylǵy tıisti aımen salystyrǵanda bıylǵy mamyrda 22,8% artty.

Ulttyq statıstıka bıýrosynyń baǵa statıstıkasy departamentiniń dırektory Qýanyshbek Jaqypbekulynyń aıtýynsha, óńirlik bóliniste jańa turǵyn úıdiń sharshy metri jyldyq mánde aıtarlyqtaı Nur-Sultan qalasynda qymbattady – 27,2%.

«Turǵyn úıdiń qaıta satý naryǵyndaǵy joǵary ósim Taldyqorǵanda (48,6%), turǵyn úıdi jalǵa berý naryǵyndaǵy kóshti Almaty qalasy bastap tur (49,9%)», – dep atap ótti Q. Jaqypbekuly.

Sońǵy bir aıdyń ishinde jańa turǵyn úıdi satý baǵasy – 1,7%, páterlerdi qaıta satý 1% ósti.

Abattandyrylǵan turǵyn úıdi jalǵa alý tólemi aldyńǵy aımen salystyrǵanda mamyrda 1,3% joǵarylady.