Astanada bir aı ishinde 443 ınternet alaıaqtyq faktisi tirkelgen

ASTANA. QazAqparat – Elordada ınternet alaıaqtyq faktileri artyp keledi. Bul týraly Astana qalalyq polıtsııa departamenti krımınaldy polıtsııa basqarma basshysynynyń orynbasary Qaırat Mádıev málim etti, dep habarlaıdy QazAqparat tilshisi.

«Jyl basynan beri elordada 443 ınternet alaıaqtyq faktisi tirkeldi. Kórsetkish aı saıyn artyp keledi. Salystyrmaly túrde qarasaq, 2021 jyly 188 fakti tirkelgen. Búginde 443 fakti boıynsha 45 isti qaraý aıaqtaldy jáne 148 is toqtatyldy. Sonymen qatar 150 ınternet alaıaqtyq faktisi ashyldy, nátıjesinde 29 aıypty ustalyp, onyń 13-i qamaýǵa alyndy», – dedi Qaırat Mádıev vedomstvoda ótken baspasóz máslıhatynda.

Spıkerdiń málimdeýinshe, ınternet alaıaqtyqqa qatysty áleýmettik jelilerdegi chattar men saıttardy buǵattaý jumysy qolǵa alynǵan.

Aıtýynsha, buǵattaý sharýasy biraz ýaqyt alady, sebebi ınternet resýrstardyń deni shetelde.

«Internet alaıaqtyq jáne kıberqylmyspen birlesip kúresý maqsatynda IT qaýymdastyǵy ókilderimen birneshe jıyn ótti. 54 memleketten turatyn halyqaralyq konventsııa quramyna qosylsaq, buǵattalatyn saıttar men chattardyń sany arta túspek», - deıdi ol.

Sondaı-aq, polıtsııa departamentiniń ókili ınternet alaıaqtyq jáne kıberqylmystyń aldyn alý baǵytynda profılaktıkalyq is-sharalardyń jıi uıymdastyrylyp turatynyn jetkizdi.