Astanada bilim salasynyń qyzmetkerlerine arnalǵan bos jumys oryndary jármeńkesi ótedi
17:08, 08 Tamyz 2016
ASTANA. QazAqparat - 11 tamyzda elordada ótetin kezekti toǵyzynshy bos jumys oryndary jármeńkesi bilim salasyna arnalmaq. Jumys izdeýshiler men jumys berýshiler «Jastar» saraıynda bas qosady, dep habarlaıdy astana.kz.
Bos jumys oryndary jármeńkesine mektepke deıingi uıymdar, balabaqshalar, mektepter men kolledjderdiń ókilderi qatysady.
Astana qalasy Jumyspen qamtý ortalyǵynyń mamandary tamyz aıynda bilim salasyndaǵy kadrlar qajettiligi artatyndyqtan shara barysynda pedagogtarǵa basymdyq beriletinin atap ótti.
Astanalyqtar saǵat 10.00-13.00 aralyǵynda jumys berýshilermen tanysyp, suhbattasyp, óz túıindemelerin qaldyra alady.
Aıta keteıik, Jumyspen qamtý ortalyǵy jyl sońyna deıin 12 bos jumys oryndary jármeńkesin uıymdastyrýdy josparlap otyr.